Корисниците на канабис направија огромни редици пред холандските кофи-шопови откако владата на Холандија наредни нивно затворање поради пандемијата со коронавирусот.
Оттука, десетици муштерии стојат и чекаат за да се снабдат со залихи пред затворањето на кафулињата, кои можеби со недели нема да ги отворат своите врати.
Популарните холандски кафи-шопови станаа дел од националниот имиџ во странство како и секс-клубовите во амстердамскиот кварт на црвени фенери, на кои исто така им е наложено да затворат до 18 часот, како и останатите барови и ресторани.
The Dutch government just announced that all coffeeshops will be closed too in the fight against coronavirus. Here’s a little line in front of one in Utrecht 🙃#coronavirusnetherlands #COVID19NLpic.twitter.com/MQoVoBamAY
— DutchReview (@Dutchreviewing) March 15, 2020
Редовите се создале само неколку минути откако холандските министри за здравје и образование на конференција за медиумите најавија затворање на голем број комерцијални објекти, како и сите училишта во државата.
Слични сцени има низ целата земја, а на социјалните мрежи се објавуваат редиците во главниот град Амстердам и универзитетскиот град Утрехт.
Редиците за купување марихуана се создадоа и покрај тоа што холандскиот министер за здравство на конференција за медиумите вчера порача дека нема потреба од создавање големи резерви.