Институтот „Данте Алигиери“ од Скопје информира дека рокот за конкурсот за изработка на постер инспириран од хероите на италијанскиот стрип е продолжен до 18 септември.
Конкурсот беше објавен во пресрет на „Comics Day“ – Денот на италијанскиот стрип што ќе се одржи во октомври 2022 година.
Содржината на постерот треба да соодветствува со темата на Конкурсот. Неопходно е да се подготви дигитална верзија на делото [мин. 200 dpi / CMYK / jpg / 700x1000mm / вертикално].
Учеството е бесплатно, а на натпреварот може да се учествува во три категории, односно ученици од средните училишта во Северна Македонија, студенти на државните и приватните факултети на Северна Македонија и млади уметници – графички дизајнери, илустратори, стрип цртачи од Северна Македонија на возраст до 30 години.
При испраќањето на делото, фајлот треба да се персонализира на следниов начин, Ime_Prezime_Uchilishte_NaslovNaPosterot.jpg., за првата категорија, Ime_Prezime_Fakultet_NaslovNaPosterot.jpg., за втората категорија) и Ime_Prezime_NaslovNaPosterot.jpg. за третата категорија.
Создадените дела треба да се испратат на мејл адресата ladante.skopje.arte.design@gmail.com, а мејлот да се наслови со „Italijanski strip_kategorijaX“, X – е бројот на категоријата 1, 2 или 3.
Од организацијата информираат дека оние кои ќе влезат во најтесната селекција ќе имаат можност за директна средба и разговор со италијанските стрип уметници: Алесандро Билота и Серџо Гараси.
Објавен конкурс за изработка на постер инспириран од хероите на италијанскиот стрип
