„Ром Рок Скул“ објави повик за аудиција за формирање на нов бенд. На повикот имаат можност да се пријават сите младинци (момчиња и девојчиња) на возраст од 10 – 20 години. Пријавувањето трае од 7 – 18 март 2022 година.
За формирање на бендот потребни се следните инструменти:
– гитара
– бас гитара
– тапани и перкусии
– клавијатури
– дувачки инструменти
– машки и женски вокали
Но, според основачите на бендот, на повикот може да се пријават и лица кои свират други инструменти.
За учество во повикот за аудиција, потребно е да се пополни следниот ЛИНК.
Аудицијата за пријавените кандидати ќе започне од 19 – 24 март 2022, а избраните членови ќе бидат објавени на 25 март 2022 од страна на жири комисијата на „Рома Рок Скул“.
За аудицијата, кандидатите треба да спремаат:
1. Една песна по свој избор која ќе ја отсвират со помош на матрица
2. Импровизирање на својот инструмент
Избраните членови на новиот бенд ќе посетуваат два пати неделно бесплатни часови по бенд секција со професор и бенд инструктор Неврус Бајрам.
На часовите по бенд секција ќе работат на компонирање на нова авторска песна (текст и музика), а за истата ќе се снима аудио запис во професионално студио.
Покрај ова, избраните ќе учествуваат во снимање на видео запис/видео спот и ќе имаат можност за промовирање на бендот на ТВ и социјални медиуми.
На крај, треба да се одржи и концерт во септември.
Сите пријавени кандидати, без разлика дали ќе бидат избрани да бидат членови на новиот бенд, ќе добијат бесплатни часови за својот инструмент или друг инструмент кој сакаат да го изучуваат.