Со 89 гласа „за“ и еден воздржан денеска во Собранието беа верификувани пратеничките мандати на новите пратенички Санела Шкриељ и Марија Кочовска, кои доаѓаат од коалицијата „Можеме“ предводена од Социјалдемократскиот сојуз на Македонија.
Шкриељ стана пратеничка на местото на Славјанка Петровска која стана министерка за одбрана. Во меѓувреме, Кочовска доаѓа на местото на новата министерка за култура Бисера Костадиновска-Стојчевска.
Новите министерки Петровска и Костадиновска-Стојчевска беа назначени од новата влада предводена од премиерот Димитар Ковачевски.
