Започнаа „Деновите на кариера” организирани од АИЕСЕК Скопје. На студентите им се дава можност да стапат во контакт со некои од најуспешните компании на пазарот, да се советуваат со предавачите и да добијат одговор на сите свои прашања поврзани со тоа како да се добие работа или да се започне посакуваната кариера.
Како дел од овој настан ќе се одржат и три едукативни семинари, на Економскиот Факултет (29,30,31-ви март), на ФИНКИ (30 и 31-ви март) како и на Факултетот за фармација (5-ти април).
За сите заинтересирани студенти учеството е бесплатно, но претходно ќе треба да ја пополнат пријавата со што стануваат дел од годинешните „Денови на кариера”.