Во одлука што здруженијата за заштита на животните ја нарекоа „историска“, локалното собрание на шпанското гратче Тригерос дел Ваје изгласа одредба со која животните се прогласуваат за „нечовечки жители“, со што им се даваат еднакви права како на луѓето.
Советниците во општината со околу 330 жители, во регионот на Кастиља и Леон, едногласно го усвоиле предлогот.
„Кучињата и мачките живееле меѓу нас повеќе од 1000 години. Како градоначалник, јас ги претставувам не само човечките жители, туку морам да бидам тука и за другите“, вели градоначалникот Pedro Pérez Espinosa, кој доаѓа од редовите на социјалистите.
„Денеска се доближивме како видови, а ние лужето станавме повеќе луѓе, благодарејќи на чувствителноста и интелигенцијата која ја покажаа луѓето од Тригерос де Ваје. ова е голем ден, како за човечките, така и за нечовечките жители“, напиша во соопштение организацијата за заштита на правата на животните Rescate 1.
Дури и ако некои љубители на животните сметаат дека новиот закон оди предалеку, оние кои се противат на борбите со бикови имаат причина за прослава. Новата одредба забранува „секаква акција со која се предизвикува сакатење или смрт на нечовечките жители“.
фото: Reuters