На крајот на оваа седмица, прочитај го нашиот избор на вестите од образование, култура, граѓанско општество, политика, животна средина…
Воздух, вода, храна од почва. Ова се првите асоцијации кои ги добива човек кој поминал барем неколку часа во прошетка на планина или во искачување врвови. Во Македонија планинарењето е спорт кој има свои верни пријатели, па се организираат планинарски тури што траат со часови или денови. Во земјава постои Западна и Централана планинарска трансверзала, а од скоро македонските врвови ги гушка и веста за формирање Бесконечна планинарска трансверзала со која се исцртува кружна патека што поминува низ планините од западниот, централниот и источниот дел од Македонија. Таа е долга 2070 километри, од кои повеќе од 1500 км се нови патеки кои досега не се користат од планинарската заедница.
Една од главните причини зошто идните студенти посакуваат да излезат од државата и да студираат во најблиското соседство, во поширокиот Балкан или подалеку во Европа, е тоа што универзитетите и факултетите таму се претставени како нешто, можеби не утопија, но свет каде еден млад човек може да просперира. За разлика од кај нас, каде тоа некако недостасува.
„Во делот на зелено и социјално претприемништво, работиме и со школи. Многу сакаме младите наместо да учат од примери како „Мекдоналдс“ и „Старбакс“ – да работат на зелени и социјални претпријатија. Друго, има еден воз во Франција, кој сега ќе се води како кооператива, а го покренуваат граѓани: од Бордо до Лион. Тој е владеен од граѓаните и ќе биде со фер наплатна карта. Пример е како транспортот, или мобилноста на луѓето, е социјално прашање и може да биде основата за покренување на социјално претпријатие. Зошто децата да не учат за возот што го менаџираат самите граѓани, туку да учат за некоја голема корпорација која ја загадува природата?“, вели Ирина Јаневска од Здружението за социјални иновации АРНО во интервју со Радио МОФ.
Психолошкото насилство многу тешко се докажува, нема видливи траги освен опаѓање на менталното и физичкото здравје и тешко се препознава. Ова го изјави министерката за труд и социјална политика Јованка Тренчевска пред медиумите кога соопшти дека повеќе од половина од жртвите на семејно насилство во периодот јануари – септември 2023 година се соочиле со психолошко насилство.
[Интервју] Игор Раиден: Научнофантастичниот жанр има потенцијал за развивање на јазикот
На прагот на новата година, еден студен декемвриски ден го стопли веста за објавата на „Издигнување“ – нов македонски роман што оттогаш кружи во книжевниот етер. „Издигнување“ е првонаградениот ракопис на конкурсот „Новите!“, а со тоа, според издавачката куќа „Темплум“ и најдобар дебитантски прозен ракопис за 2023 година.
Авторот Игор Раиден за своето првенче кое доаѓа од друга планета, со многу напредна технологија и секако научна фантастика, вели дека праќа порака за акција во општеството што моментално тоне во апатија. Во долгиот разговор со него се прошетавме низ различните точки од романот, а тој го опиша и процесот на пишување, идејата која го води до раскажување научнофантастична приказна што се случува во 2037 година и што понатаму со неа.
[Интервју] Игор Раиден: Научнофантастичниот жанр има потенцијал за развивање на јазикот
+Бонус:
#НизТвојотОбјектив – Избор фотографии од Ана Рунчева
Во рубриката #НизТвојотОбјектив ѕирнавме во аналогниот апарат на Ана Рунчева, графичка дизајнерка.
#ПетАлбумиЗаПоДома на Кирил Колевски
Во рубриката #ПетАлбумиЗаПоДома денеска го имаме Кирил Колевски, кој за себе вели дека во Тетово повеќето го знаат како Кирчуга Рапчуга.
