На крајот на оваа седмица, прочитај го нашиот избор на топ вести од образование, култура, активизам, граѓанско општество, политика, животна средина…
[Интервју] Весна Алексовска: Борба за лекови, услуги и права на лицата со ретки болести
Февруари е вториот и најкраткиот месец во годината, а за лицата со ретки болести е месецот кога тие гласно кажуваат што значи да си „редок“, со сите попатни предизвици. Особено што одново и одново се борат за терапија. Бараат и да не се заложници на долги и комплицирани административни процедури, туку здравствениот и социјален систем да претрпи измени, за да им помага, а не одмага за права и услуги. Бараат и Стратегија за ретки болести што конечно ќе биде усвоена, без кампањски ветувања и оддолжувања.
[Интервју] Весна Алексовска: Борба за лекови, услуги и права на лицата со ретки болести
Отворена нова платформа FindJOB за посредување за работа
FindJOB (Барај работа) е нова платформа за вработување со иновативен пристап во поврзувањето на работодавачите со потенцијалните кандидати. Со користење на алгоритам базиран на вештачка интелигенција, платформата ги поврзува кандидатите со работни позиции кои одговараат на нивните вештини, искуства и цели, за да ги најдат најдобрите можности за професионален развоj – програмери, угостители, менаџери, набавувачи, физичари, техничари, метеоролози…
Околу 850 пешаци и 110 велосипедисти умираат секој ден ширум светот во несреќи со автомобили. Според СЗО над 300.000 пешаци и околу 50.000 до 100.000 велосипедисти ги губат животите годишно. Во Скопје 25-30% од жртвите во сообраќајот се пешаци, вели Дафина Шекутковска, помладa UX дизајнерка и истражувачка што го развива SAFE8, софтвер за зголемување на безбедноста на пешаците и велосипедистите.
[Видео] Имерзивен театар со „Диско (в)Љубеници“
Во скопскиот клуб „Минус Еден“ се одржа „Диско (в)Љубеници“, најновата инклузивна претстава на „Трисомија 21“ во соработка со ,,Колектив Ветерница”, која го истражува полето на имерзивниот театар и феноменот на диското.
[Став] Стоп за моторни возила по велосипедски патеки
Пред некоја година донесоа закон каде што моторите до 50 кубика можат да возат со одредена брзина по велосипедските патеки и тоа е најголемата несигурност која ја донесоа и буквално избркаа многу велосипеди и ги демотивираа да возат, пишува активистот и велосипедист Божидар Јововиќ.
+ Бонус
Лажни дојави за бомби во повеќе училишта низ Македонија
Бројни училишта низ Македонија во петокот утрото беа евакуирани поради дојави за бомби.
Од Министерството за внатрешни работи соопштија дека пристигнале пријави за наводно подметнати експлозивни направи во повеќе основни и средни училишта на речиси цела територија на државата. Оттаму посочија дека надлежните служби на преземаат сеопфатни плански мерки и активности согласно внатрешните процедури за постапување во случај на терористичко загрозување.
[Став] Прекинувањето на USAID и последиците врз маргинализираните заедници
На 24 јануари 2025 година, администрацијата на Доналд Трамп ја затвори канцеларијата на USAID (Агенцијата на САД за меѓународен развој) во Вашингтон и ја замрзна финансиската помош за странските земји. Овој потег, дел од политиката „Америка на прво место“, резултираше со прекин на програмите за здравство, образование, економски развој и хуманитарна поддршка, кои беа клучни за милиони луѓе ширум светот, пишува ТрансФормА.
[Став] Прекинувањето на USAID и последиците врз маргинализираните заедници
НаТочак: Важно е да се има фокус и точни барања од институциите за безбедноста во сообраќајот
Додека вниманието на сите е насочено кон безбедноста во сообраќајот, најважно е да се има фокус што точно се бара од институциите и што може да направи секоја од нив (а и самите граѓани), се вели во јавната објава-анализа на иницијативата НаТочак, каде се наведени и конкретни предлози и барања до институциите.
НаТочак: Важно е да се има фокус и точни барања од институциите за безбедноста во сообраќајот
