Најмалку 95 луѓе загинаа во силен земјотрес што го погоди оддалечениот регион на Тибет утрово, а потреси се почувствуваа низ Хималаите во соседниот Непал, Бутан и делови од северна Индија. Земјотресот со јачина од 7,1 магнитуда според Рихтеровата скала се случил во 9 часот и 5 минути по локално време на длабочина од 10 километри и бил проследен со повеќе последователни потреси, соопшти Геолошкиот институт на САД, а пренесува Си-Ен-Ен.
Енергијата ослободена од тектонското движење собори куќи во оддалечените хималајски села, го стресе блискиот тибетски свет град и посетителите на базниот камп на Монт Еверест. Неговиот епицентар, лоциран во округот Тингри високо на тибетското плато, беше блиску до границата со Непал, околу 50 милји северно од највисоката планина во светот.
Најмалку 130 лица се повредени во земјотресот, соопштија локалните власти на прес-конференција денеска. Повеќе од 1.000 куќи беа оштетени во округот Тингри. Потресите се почувствувале до Катманду, главниот град на Непал.
„Беше многу силно. Луѓето истрчаа надвор од своите куќи. Можеше да се види како жиците од столбовите се отпуштаат“, рече Бишал Нат Упрети од Непалскиот центар за управување со катастрофи, невладина организација во Катманду.
A 7.1 magnitude #earthquake strikes in China’s remote area in #Tibet region near Nepal, death toll rises to at least 53 and 62 injured so far. pic.twitter.com/G4uBiF5kL8
— Nikhil Choudhary (@NikhilCh_) January 7, 2025
Регионот блиску до епицентарот е ретко населен, но малите села се сместени во изолирани и често тешко достапни долини на Хималаите. Се проценува дека околу 6.900 луѓе живеат во 27 села во радиус од 20 километри од епицентарот.
Видеата на кинеските социјални мрежи, геолоцирани од Си-Ен-Ен, покажаа оштетени покриви, излози од продавници и отпадоци на улиците на округот Латсе, на околу 86 километри од епицентарот. Оштетени се и некои автомобили и мотоцикли паркирани покрај патот, покажа снимката.
Најблискиот поголем град до епицентарот е светиот град Шигатсе, кој се наоѓа на околу 180 километри. Градот е дом на околу 800.000 луѓе и традиционалното седиште на Панчен Лама, вториот највисок духовен водач во тибетскиот будизам, по Далај Лама.
Снимката од надзорната камера во супермаркет во Шигатсе го сними моментот кога се случи земјотресот, при што клиентите трчаа надвор додека стоката паѓаше од треперливите полици. Засега нема извештаи за голема штета во градот.
At least 95 people have died and 130 are injured after a M7.1 earthquake struck a remote region of Tibet and parts of Nepal. The quake occurred at 9:05am local time. Tremors were also felt in Nepal, Bhutan, and Northern India.pic.twitter.com/nUp2Uqbte3
— Volcaholic 🌋 (@volcaholic1) January 7, 2025
