Во дворот на кафе-книжарницата „Буква“, во соработка со „Sk dub rockerz“, во сабота (15 јули) од 13 до 1 часот ќе се случува целодневниот даб и реге настан именуван „Skopje in dub“.
На музичкото мени е Rub-A-Dub Ramses од Холандија, еден од најактивните промотори на легендарната On-U Sound Records.
„Во изминатите 30 години Ramses вртел даб, реге, амбиент, гоа транс, есид техно, брејкбит и балкански битови, настапувајќи насекаде по Европа, вклучувајќи ги и големите фестивали како Сзигет и Гластонбери. Во оваа прилика, Ramses ќе ни се претстави со rub-a-dub селекција која (меѓу другото) ќе вклучува и ретки и неиздадени On-U Sound верзии (на винил!)“, стои во најавата за настанот.
Исто така, на агендата како музички селектори се најавени и Andrej Bartling, Geto Rudi, Ishjan Twin, Jojo, MarinS, Marso и NiKoJ.
Влезот е слободен, но организаторите однапред благодарат за секоја донација која може да се понуди.
Дизајнот на постерот е на Сали Ертунч.
