Во рамки на фестивалот „Скопско лето“, вечер од 20.30 часот во Центарот за култура Кисела Вода – КВК кино ќе биде изведена претставата „Смртта на Дантон“ од Георг Бихнер во режија на Андреј Цветановски.
„Револуцијата ги јаде своите деца!“ – ова е најпознатиот цитат на драмата на големиот Бихнер. Во времето на национал-романтизмот еден млад студент да пишува за што се случува по Француската револуција е многу храбро и со ова драмско писмо Бихнер се соочува со многу критики, особено ако се земе предвид дека тоа е првата социјална револуција. Во овој мотив на тој млад човек кој што го пишува тоа дело, ја гледам и инспирацијата и мотивацијата да го одбереме овој текст за материјал на создавање на нашата приказна. Што после револуцијата? Што после создавањето на ЕДНАКВОСТ, СЛОБОДА, БРАТСТВО? Како се создава тој круг на жртва, револуционер, власт и џелат?“, стои во најавата за претставата.
Во претставата играат: Григор Јовановски, Дамјан Цветановски, Сергеј Димовски, Тони Денковски, Александар Михајловски, Ане Блажовски, Наталија Теодосиева, Марија Кондовска, Кристина Гиева. Сценограф и костимограф е Сергеј Светозарев, а асистент на режија Борјан Стојков.
Претставата ќе се одржи согласно со здравствените протоколи за одржување настани, а влезот е слободен.
На програмата „Кафе кино“, пак, од 20.30 часот во летното кино „Мирно лето“ на Кинотеката ќе биде прикажан шпанскиот филм „Збогум морони“, снимен во 2020 година по сценарио и режија на Алберт Дупонтел. Филмот му е посветен на Тери Џонс од легендарната екипа „Монти Пајтон“.
