Радио МОФ
Се наоѓате на:»»Спектакуларно отворени Зимските олимписки игри во Пекинг

Спектакуларно отворени Зимските олимписки игри во Пекинг

фото: Матијас Хангст / „Гети“
Вести, Граѓани

Зимските олимписки игри во Пекинг денеска беа спектакуларно отворени со церемонија на стадионот „Птичјо гнездо“, кој беше изграден и се користеше за Летните олимписки игри во 2008 година. Церемонијата на отворање беше водена и режирана од познатиот режисерот Жанг Јиму.

Церемонијата која се одржа на првиот ден од пролетта според кинескиот календар, започна со настап на танчери кои мавтаа со зелени светлечки стебленца за да ја покажат виталноста на тоа годишно време, по што следеше „експлозија“ од бели и зелени огномети кои ги испишаа зборот „пролет“.

Знаменоносец од Северна Македонија, како што соопшти Македонскиот олимписки комитет (МОК) беше Дардан Дехари. Земјава во Пекинг ќе ја претставуваат тројца спортисти, односно Дардан Дехари, Ставре Јада и Ана Цветановска.

На Зимските олимписки игри ќе се натпреваруваат 2.871 спортисти од 91 земја во седум спортови, односно во 15 спортски дисциплини и ќе бидат поделени 109 комплети медали.

МОЖЕ ЌЕ ВЕ ИНТЕРЕСИРА

[Видео] Песочна бура го покри Пекинг со прашина Од Универзитетот во Хонг Конг отстранета скулптурата за масакрот на демонстранти на Тиананмен Масовно тестирање и затворање на делови на Пекинг поради коронавирусот