Приказна која го собра вниманието на светската јавност. 12 момчиња и нивниот млад фудбалски тренер заробени повеќе од две недели во темна, поплавена пештера, неколку километри далеку од помош и храна. Откако вчера пристигнаа вестите дека и последното дете и тренерот се спасени, светските медиуми, без разлика на нивната големина, од Данска до Обединетите Арапски Емирати, славеа на насловните страници.
Двата тајландски весници на англиски јазик, „Бангкок Пост“ и „Нејшн“ утрово излегоа со насловите „Спасени сите диви прасиња“ и „Хујааа! Мисијата е успешна“.
First look at this morning’s newspapers in #Thailand (Wednesday 11 July 2018)
🔹 Bangkok Post – All Wild Boars saved
🔹 The Nation – Hooyah! Mission accomplished👉 More news: https://t.co/OluqA5RbeH & https://t.co/w1Z2oeNLu2 #ThamLuang #ถ้ำหลวง #Thailand #ThaiCaveRescue pic.twitter.com/nsjmYMHfLj
— Richard Barrow in Thailand (@RichardBarrow) July 10, 2018
Сосема очекувано, спасувањето беше опсежно покриено во земјите кои беа вклучени во акцијата за ослободување на децата. Во Австралија, од каде властите испратија тим од 19 нуркачи да помогнат во мисијата, како и доктор кој ги прегледа децата во пештерата, многу весници ја славеа успешната операција. „Канбера Тајмс“ излезе со наслов „Големото бегство“, додека „Сиднеј Морнинг Хералд“ напиша „Сите се надвор“, покрај фотографии од момчињата и тренерот.
“Mission impossible” is mission complete. Here is today’s front page. pic.twitter.com/cNbRPCafJx
— Canberra Times (@canberratimes) July 10, 2018
Good morning. Here’s today’s front page of the Herald https://t.co/eEH8m1plEu #ThaiCaveRescue pic.twitter.com/elvMzzWiOd
— The Sydney Morning Herald (@smh) July 10, 2018
Германскиот „Шпигел“ на интернет изданието ја нарече спасувачката акција „Ослободување од длабочината“, додека „Ле Монд“ се одлучи со поинформативен, наместо драматичен наслов: „Тајланд: по повеќе од две недели под земја, 13-те заровени во пештерата евакуирани.
„Локал“, данскиот интернет сајт напиша: „Амбасадорот ги слави данските нуркачи за нивната улога во спасувачката акција во пештерата во Тајланд.
Иако британските нуркачи имаа клучна улога во спасувачката мисија, веста за спасувањето беше на насловната страна со други две важни вести – оставката на министерот за надворешни работи Борис Џонсон и престојното полуфинале на светското првенство во кое настапува Англија.
На насловната на „Гардијан“ пишуваше: „Славење откако Тајланд ги спаси сите 12 момчиња од пештерата“. „Тајмс“ објави наслов: „Прослава откако 12 момчиња излегоа од тајландската пештера“, додека „Метро“ напиша: „Среќна 13-ка“.
Wednesday’s GUARDIAN: “Facebook fined for data breaches in Cambridge Analytica scandal” #bbcpapers #tomorrowspaperstoday pic.twitter.com/hvn0FW72vI
— Allie Hodgkins-Brown (@AllieHBNews) July 10, 2018
Wednesday’s METRO: “Let’s Make HISTORY” #bbcpapers #tomorrowspaperstoday pic.twitter.com/UMNLpBiLZ3
— Allie Hodgkins-Brown (@AllieHBNews) July 10, 2018
Во Обединетите Арапски Емирати, двата весника на англиски јазик го ставија настанот на насловните страници. „Гулф Тудеј“ напиша: „Сите 13 заробени во пештерата во Тајланд ослободени“, додека „Калеџ Тајмс“ објави: „Ура! Момците фудбалери конечно надвор од пештерата“.
The Gulf Today Front Page pic.twitter.com/nvsWiyFpJu
— The Gulf Today (@thegulftoday) July 10, 2018
Времето на спасувачката акција беше такво што сè уште не се објавени печатените насловни страници на американските весници. Сепак, медиумите од САД го покриваа спасувањето цело време, а ЦНН откако беше спасено последното момче напиша: „Сите се надвор“.
