Универзитетското студентско собрание при Универзитетот „Св. Климент Охридски“ Битола (УКЛО) им испрати силна поддршка на колегите од Србија кои, како што велат, веќе неколку месеци се борат за своите ставови и убедувања.
„Стоп за потиснување на студентскиот глас. Секој глас заслужува да биде слушнат, секоја борба заслужува да биде почитувана. Студентската сила е таа што ја движи промената. Поддршка за нашите храбри колеги во Србија!“, напиша УСС УКЛО.
Како што истакнаа, студентскиот дух е вреден, бунтовен, прогресивен и кадарен и поради тоа студентите се двигатели на најголемите општествени промени.
„Колеги, ве гледаме и се восхитуваме, од УСС УКЛО ви испраќаме силна поддршка!“, порачуваат оттаму.
