Обединетите нации (ОН) објавија публикација во која се наведува дека светската популација денеска ќе достигне осум милијарди луѓе. Веб-страницата „Worldometer“, која собира податоци од официјални институции на држави во светот, покажа дека таа бројка ја надминавме утрово, околу 9 часот. Светската популација продолжува да расте, но темпото на раст се намалува, според ОН.
Најновите прогнози на светската организација покажуваат дека глобалното население би можело да порасне на околу 8.5 милијарди луѓе во 2030 година, на 9.7 милијарди во 2050 година и на 10.4 милијарди во 2100 година.
Од ОН наведуваат дека во 2020 година, глобалната стапка на раст на населението ќе падне под еден процент годишно, за прв пат од 1950 година. Се предвидува дека населението ќе достигне врв на околу 10.4 милијарди луѓе во 2080-тите и ќе остане на тоа ниво до 2100 година.
Како што се наведува во публикацијата, растот на населението делумно е предизвикан од падот на стапката на смртност, што се одразува на зголеменото ниво на живородени деца.
На глобално ниво, очекуваниот животен век достигна 72.8 години во 2019 година, што е зголемување за речиси девет години во однос на од 1990 година.
8⃣ billion hopes
8⃣ billion dreams
8⃣ billion possibilitiesOur planet is now home to 8⃣ billion people.
Get the facts from @UNFPA: https://t.co/BvhEYXITVP#8BillionStrong pic.twitter.com/bHgJiB26TX
— UNFPA (@UNFPA) November 15, 2022
Се предвидува натамошно намалување на смртноста да доведе до просечен животен век од околу 77.2 години на глобално ниво во 2050 година.
По падот на смртноста, растот на населението продолжува се додека плодноста останува висока. Кога плодноста почнува да опаѓа, годишната стапка на раст почнува да опаѓа. Според ОН, во 2021 година просечната плодност на светската популација била 2.3 раѓања. Во просек, една жена раѓа две деца за време на нејзиниот живот, додека во 1950 година жените имале во просек по пет раѓања, се наведува во публикацијата.
