„Гоу Грин“ (Go Green) во склоп на Фондацијата Ана Линд во четврток, 28 ноември, од 18 часот оргаганизира свирка на регe составот „Conquering Lion“, кој ќе се одржи во Младинскиот центар „Матично“ во скопската општина Центар.
„За сите фанови, стари и млади, поканата е отворена“, стои во најавата за настанот.
Се работи за уникатен настан во рамките на Денот на медитеранот. Овој ден заеднички се прославува низ повеќе земји, а „Conquering Lion“ ќе биде едeн од 24-те музички состави што истовремено ќе настапуваат.
„Овој ден е многу повеќе од само музика, на овој ден го славиме заедничкиот медитерански идентитет, наследство и љубовта кон регионот“, се вели во најавата за настанот.
Концертот е бесплатен, но поради лимитираниот капацитетит на објектот, мора да се набават гратис влезници. За повеќе информации или потврда на info@bidizelen.org
Свирката ќе може да се следи и преку Јутјуб каналот на „Гоу Грин“.
