По понеделничката свирка со „Жен“, домашната самостојна издавачка куќа „Мртов коњ“ вечерва (петок, 4 април) продолжува со програмата за оваа пролет, овој пат со словенскиот состав „Својат“, кој ќе настапува во кафе-книжарницата „Буква“ од 21 часот.
„’Својат’ ги земаат конвенциите на неконвенционална рок и пост-панк музика, ги фрлаат во машина за перење без омекшивач и резултатот го претставуваат на нивните експлозивни но весели и ослободувачки концерти“, велат од „Мртов коњ“.
Во 2020 година, нивниот истоимениот албум „Svojat“ беше прогласен за најдобар домашен албум на Радио Штудент, што беше показател за моќта на ова авант-рокерско пауер трио од Љубљана.
На 24 мај 2024 година, под закрила на „ENTE Tapes“ го објавија и вториот албум „Ošili me modro“.
Препорачана донација за свирката во „Буква“ е 150 денари.
Дизај на флаер @ilijevskadona
