Активистот Осман Кавала речиси три години е во затвор во Турција. Tој за пошироката јавноста претходно не беше познат, a претседателот Реџеп Таип Ердоган после неуспешниот државен удар од 2016 година го означи како закана, пренесува српски „Н1“.
Денес е 1.000-от ден како Кавала е во затвор, што ги поттикна неговите приврзаници да започнат кампања на социјалните мрежи со хаштагот #FreeOsmanKavala (#СлободаЗаОсманКавали).
„Ни украдоа 1.000 дена од нашите животи… мајката на мојот сопруг има 90 години и не знае дали повторно ќе го види својот син“, изјави сопругата на Кавала, Ајше Бугра.
Кавала беше изоставен од априлскиот закон со кој се помилуваа илјадници затвореници, како мерка на безбедност во борбата против епимдеијата на коронавирусот.
"Osman Kavala, imprisoned in Turkey for nearly three years without ever being convicted of a crime, is a philanthropist and businessman who supporters say has tirelessly used his wealth to help society."#CrimeNotFound#FreeOsmanKavalahttps://t.co/AT7OBaqxmS
— Kavala'ya Özgürlük (@FreeOsmanKavala) July 27, 2020
Откако судот во февруари го ослободи од обвинението за учество во антивладини протести во 2013 година, полицијата го задржа по друг основ, поврзувајќи го со неуспешниот пуч. Сега, тој е обвинет за обид за укинување на уставниот поредок и шпионажа.
Неговиот адвокат во саботата изјави дека „нема докази“ дека овој бизнисмен и филантроп извршил какво било кривично дело.
Како што пишува хрватски „Индекс“, негово ослободување побараа и од САД, но и од Европскиот суд за човекови права.