ТweetsPie, андроид-апликацијата направена од тројца македонски твитерџии го освои првото место на годинешниот настан Droidcon Eastern Europe, кој се одржа во Романија.
Апликацијата е бесплатна, а името го доби затоа што ви сервира парче од „највкусните”, поточно најретвитаните твитови од вашиот тајмлајн.
ТweetsPie дозволува да бидете во тек со најдобрите твитови на тајмлајнот и ја олеснува прегледноста. Така, дозволува да ги видите најретвитаните 21 твитови од последните 600 твитови, да ги ретвитате оние кои ви се допаѓаат, секој час да добивате апдејтувана листа, да ги сокриете корисниците чии твитови не сакате да се најдат на листата, како и да имате модерен виџет.