Осумте ѕвона на катедралата Нотр Дам во Париз заѕвонија по повеќе од пет години од пожарот кој сериозно ја оштети зградата, пренесува Данас.
„Ова е прекрасна сцена, важна и симболична, сите ѕвона ѕвонат за прв пат по пожарот“, рече Филип Јост, кој ја предводи јавната институција задолжена за реставрација на катедралата.
По завршувањето на реставрацијата, катедралата треба да биде отворена на 7 декември.
Враќањето на ѕвоната е дополнителна етапа во заживувањето на една од најголемите катедрали на Римокатоличката црква, регистрирана како светско наследство на УНЕСКО и еден од најпосетуваните споменици во Европа.
За време на пожарот на 15 април 2019 година, северниот дел од катедралата мораше да биде обновен, а за да се направи тоа, осумте ѕвона во кулата мораше внимателно да се отстранат, исчистат и обноват.
Обновените ѕвона, од кои најтешкото е четири тони, беа вратени во катедралата во средината на септември.
The bells of Notre Dame in Paris rang out together on Friday for the first time since a 2019 fire that devastated the historic cathedral, AFP reporters said.https://t.co/P7BQwDtrLZ pic.twitter.com/zvjTbnlvsP
— AFP News Agency (@AFP) November 8, 2024
