[Видео] Google си купи армија роботи

Google неодамна ја купи компанијата Boston Dynamics, чиј тим научници развива софистицирани роботи, способни да одат трчаат и да се се движат по секаков терен. Ова е осма ваква компанија која Google ја купува во само неколку месеци. Сајбер-гигантот планира да вложува во овие технологии, за кои се предвидува дека ќе се развиваат и ќе наоѓаат примена во идните години и децении.

Меѓу роботите кои се создадени во лабораторијата на Boston Dynamics е и хуманоидот АТЛАС, висок речиси два метра – роботот чија функција ќе биде пронаоѓање и спасување луѓе во случај на тешко пристапен терен:

Еве ги и другите роботи на Boston Dynamics:

Cheetah е најбрзиот робот со нозе во светот, кој може да постигне брзина од над 45 километри на час – поголема од кој било човек.

Wildcat е робот опремен со мотор на гас, кој трча нешто побавно (25 км/ч), но поседува одлична агилност

BigDog – силен механички носач, способен да носи товар од 180 килограми

Petman е робот со движења многу слични на човечките, наменет за делување во непристапни и контаминирани области

SandFlea личи на мал автомобил на далечинско управување, но тој е всушност робот кој може да скокне повеќе од десет метри. Се тестира за употреба во војската, за извидување.