Германската полиција уапси осум климатски активисти кои утрово упаднаа на аеродромот во Минхен, затворајќи го аеродромот накратко, поради што беа откажани 60 летови, пренесува „24 сата“.
Шест климатски активисти се пробија и се залепија на пистата, изјави портпаролот на полицијата, додавајќи дека ситуацијата сега е под контрола и дека двете аеродромски писти се отворени за слетување и полетување.
Овој упад на писта доаѓа за време на еден од најпрометните празнични периоди за овој аеродром во јужна Германија.
Организацијата „Последна генерација“ која одржа слични протести во минатото, соопшти дека е одговорна за акцијата во серија објави на социјалната мрежа X на кои се гледаат активистите на пистата со протестни знаци.
Портпаролот на аеродромот изјави дека аеродромот бил целосно затворен за полетувања и слетувања речиси два часа. Единаесет летови се пренасочени, околу 60 се откажани, а сè уште се можни доцнења, рече тој.
✈️ Flugverkehr in München lahmgelegt✈️
‼️ Die Regierung verharmlost, statt ehrlich zu handeln
➡️ Unterstützer:innen der Letzten Generation haben am frühen Samstagmorgen den Luftverkehr des Flughafens München blockiert.
1/3 pic.twitter.com/xrZ8BI25j3
— Letzte Generation (@AufstandLastGen) May 18, 2024
