Иако алатката сè уште не е достапна за користење, компанијата „OpenAI“ вели дека генеративната алатка за вештачка интелигенција ќе може да произведува висококвалитетни видеа од пишани инструкции.
„OpenAI“ вчера ја претстави својата најнова алатка „Sora“ со генеративна вештачка интелигенција која инстантно прави кратки видеа како одговор на пишаните команди, јавува Евроњуз.
Новата алатка на компанијата не е прва од ваков вид. Слична технологија претходно развија „Гугл“, „Мета“ и стартапот „Ранвеј МЛ“.
Високиот квалитет на генерираните видеа ги запрепрасти корисниците на социјалните мрежи и истовремено ги зголеми стравовите за етичките и општествените импликации.
Introducing Sora, our text-to-video model.
Sora can create videos of up to 60 seconds featuring highly detailed scenes, complex camera motion, and multiple characters with vibrant emotions. https://t.co/7j2JN27M3W
Prompt: “Beautiful, snowy… pic.twitter.com/ruTEWn87vf
— OpenAI (@OpenAI) February 15, 2024
Алатката сè уште не е јавно достапна, а компанијата откри ограничени информации за тоа како е изградена. „OpenAI“ на својот блог објави дека соработува со уметници, креатори на политики и слично пред да ја објави новата алатка за јавноста.
