Во понеделник (27 ноември) во кафулето „Котур“ ќе се одржи промоција на музички видео записи од новиот албум на Горан Таневски насловен „ASCEND“.
Албумот е прв од трилогијата наречена „Среќен сум дури и без себе“ кој ќе излезе на 14 декември, за издавачката куќа „Менарт“ од Словенија.
„Покрај проекцијата на музичките видео записи, ќе ја имаме честа да го чуеме и Горан Таневски во живо со вокална интерпретација на одредени композиции, а и да поразговараме со него“, се посочува во најавата за промоцијата.
Автор на музичките видео записи е Мики Ставрев од „Criminal Records“, освен на видеото за „Ascend“ кое е дело на Светислав Подлешанов.
