Американскиот ТВ канал ABC, на својот Twitter профил го објави првиот трејлер за новите епизоди на „The Muppets“, кои ќе започнат да се прикажуваат од есен. Според трејлерот, епизодите се замислени како „современо шоу со документаристички стил“, во кои за првпат ќе се зборува за романтичните врски и личниот живот на „Muppets“.
It’s time to get things started! #TheMuppets are coming to ABC and this is your first look! https://t.co/mXqsQtgQXr
— The Muppets ABC (@TheMuppetsABC) May 12, 2015
Новите продолженија се во продукција на Bill Prady, продуцентот на познатата серија „The Big Bang Theory“ и Bob Kushell, кој беше дел од создавањето на „The Simpsons“ и „Anger Management“.
По неколку години пауза, „Muppets“ се вратија во 2011 година со долгометражен филм, чија музика беше наградена со „Оскар“. Минатата година пак, филмот доби продолжение насловено „Muppets Most Wanted“.