По кратка пауза, „Engage Кicks & Gigs“ се враќа со психоделичниот инструментален состав „The Local Blue“ од Скопје. Триото во Радио МОФ ги свири темите „Tunnels“ и „Moon trap“, патувалки меѓу реалноста и имагинацијата, со динамика и текстура на звук кој се движи надвор од секојдневниот музички шаблон.
„The Local Blue“ се Кристијан Новковски, Кристијан Савиќ и Панде Ефтимов.
Наскоро дечките ќе го издадат својот втор албум „2nd Landing“.
Веб серијалот „Engage Kicks and Gigs“, во кој гостуваат млади и алтернативни бендови од Македонија, има за цел да ја поддржи и промовира локалната сцена, како и да ја запознае публиката со домашните музичари од еден поинаков агол.
Звук: Ненад Трифуновски
Монтажа: Горјан Атанасов