Во 10 часот утрово студенти и граѓани го блокираа сообраќајот во белградската населба Автокоманда под слоганот „Под наша (Авто)команда“. Блокадата ќе трае 24 часа. Студентите бараат објавување на целата документација за реконструкцијата на зградата на Железничката станица во Нови Сад, каде во ноември минатата година се урна настрешница при што загинаа 15 лица.
Блокадата засега се одвива без инциденти, со различни спортски и општествени активности. Студентите ги повикаа граѓаните да им се придружат и изјавија дека смените ќе траат по четири часа. Тие апелираа до сите да се придржуваат до договорените правила и да ги почитуваат упатствата на редарите.
View this post on Instagram
Првиот перформанс на блокадата беше готвење со студентите, по што ќе следи баскет во 16 часот. Во 20 часот е најавено читање на барањата на студентите, меѓу кои и утврдување одговорност за несреќата, како и процесирање на лицата кои ги нападнаа студентите за време на претходните собири.
View this post on Instagram
View this post on Instagram
Блокадата на сообраќајот следува откако пред три дена на повикот на студентите за генерален штрајк се одзваа илјадници луѓе. Студентите блокираат повеќе од 60 факултети и два универзитетски кампуси, барајќи и кривична и политичка одговорност за смртта на луѓето кои загинаа при уривање на настрешницата.
