Десетици активисти на групата „Animal Rising“ во саботата упаднале во хиподром за коњски трки со цел да го прекинат натпреварувањето.
Најголемиот дел од нив биле спречени во обидот, а од полицијата соопштија дека приведени биле 118 лица поради предизвикување штета и нарушување на јавниот ред и мир.
Активистите сметаат дека со ваквите коњски трки се експлоатираат животните за забава и нивната цел била да спречи одржување на трката поради повреди и гинење на коњите, што често се случува на вакви настани.
Гранд Националното првенство е едно од најголемите натпревари на коњски трки на британскиот спортски календар. Се смета за еден од најопасните настани за коњите поради висината на препреките. Според Би-Би-Си во овогодишното издание на трката угинале вкупно три коњи.
