Локалната заедница на Mozilla со поддршка на Mozilla Inc. на 10 мај во Скопје организира настан за претставување и запознавање на FirefoxOS со домашната програмерска заедница.
Еднодневниот настан ќе им овозможи на учесниците директно да се запознаат со новите технологии за мобилни уреди од Mozilla – FirefoxOS. FirefoxOS e нов оперативен систем за мобилни телефони кој ја носи моќта на отворената мрежа на мобилните уреди и со тоа ќе им овозможи поголема приватност, слобода и контрола во секојдневното мобилно искуство.
Настанот ќе се одржи во просториите на ФИНКИ, ул. „Руѓер Бошковиќ“ 16, соба 117.
Mozilla Македонија е група на волонтери од Македонија која помага во ширењето на вредностите што Mozilla ги промовира и технологите што ги произведува со цел да помогнат на луѓето да го контролираат и истражат целиот потенцијал на нивните животи на интернет. Mozilla пак е светска заедница на информатичари, мислители и градители кои што работат заедно за да го одржат интернет жив и достапен, така што луѓето од целиот свет ќе можат да бидат информирани создавачи и придонесувачи на мрежата.