Зимбабве започна со операција на преместување на диви животни од јужниот во северниот дел на земјата со цел да ги спаси од сушата, бидејќи климатските промени во голема мера го заменија ловокрадството што досега беше најголема закана за дивиот свет, пишува „Еуроњуз“.
Илјадници антилопи со хеликоптер се превезуваат во затворен простор, слоновите се смируваат во приколки, групи ренџери носат други животни во метални кафези и колона од камиони започна патување долго 700 километри за да ги однесе животните во нивниот нов дом.
Станува збор за 400 слонови, 2.000 антилопи, 70 жирафи, 50 бизони, 50 зебри, 10 лавови и група од 10 диви кучиња се меѓу животните што се преместуваат од „Безбедната долина за заштита“ во три безбедносни предели на северот, Сапи, Матусадонња и Чизарира.
Ова е една од најголемите вежби за фаќање и преместување на животни во јужна Африка.
„Со години се боревме со ловокрадството и само што започнавме да ја победуваме таа војна, климатските промени се појавија како најголема закана за животот на дивиот свет кај нас“, изјавил потпаролот на „Национални паркови Зимбабве“.
Ова е прв пат во 60 години Зимбабве да се зафати со ваков потег. Претходно во периодот од 1958 до 1964 година државата премести 5.000 животни со цел да ги спаси од големите напливи вода што најдошле поради изградбата на големата електрична брана на реката Замбези.
